‘ട്രെയിൻ തീവെപ്പ് തൃശ്ശൂർ ഇങ്ങെടുക്കാനും കണ്ണൂർ സ്വന്തമാക്കാനുമുള്ള തന്ത്രമോ’? വിവാദ പരാമർശവുമായി കെ. ടി ജലീൽ എംഎൽഎ

0

മലപ്പുറം: കണ്ണൂരിലെ ട്രെയിൻ തീവെപ്പ് കേസുമായി ബന്ധപ്പെട്ട് വിവാദ പരാമർശവുമായി കെ ടി ജലീൽ എംഎൽഎ. ജനങ്ങളെ തെറ്റിദ്ധരിപ്പിക്കുന്ന തരത്തിലുള്ള പരാമർശമാണ് അദ്ദേഹം നടത്തിയത്. ഹിന്ദു മുസ്ലിം അകൽച്ചയുണ്ടാക്കാൻ സംഘപരിവർ നടത്തിയ ആക്രമണമാണെന്ന തരത്തിലാണ് ജലീൽ പോസ്റ്റ് ഇട്ടിരിക്കുന്നത്.

എലത്തൂർ ട്രെയിൻ തീവെപ്പ് കേസിലും സമാനമായ വാദം അദ്ദേഹം ഉയർത്തിയിരുന്നു. ഇത് കെ.ടി ജലീൽ നടത്തുന്ന ഒരു ‘കവർ ഫയർ’ ആണോ എന്ന സംശയവും സമൂഹമാദ്ധ്യമങ്ങളിൽ ശക്തമാണ്. തീവെപ്പ് കേസിൽ സംഘപരിവാറിനെ പ്രതിസ്ഥാനത്തു നിർത്തി ജനങ്ങളെ തെറ്റിദ്ധരിപ്പിച്ചുകൊണ്ട് തീവ്രവാദികൾക്ക് കേരളത്തിൽ സുരക്ഷിതമായ സ്ഥാനം ജലീൽ കണ്ടെത്തുകയാണെന്ന സംശയവും സോഷ്യൽ മീഡിയയിൽ ശക്തമാണ്.

അതേസമയം, തീവെപ്പ് കേസിൽ പിടിയിലായ പ്രതി ബംഗാൾ സ്വദേശി ആണെന്ന റിപ്പോർട്ടുകളും പുറത്തുവരുന്നുണ്ട്.

കെ.ടി. ജലീലിന്റെ വിവാദ ഫേയ്സ്ബുക്ക് പോസ്റ്റ് വായിക്കാം…

ഫാഷിസ്റ്റുകളുടെ ലക്ഷ്യം ലോകസഭാ തെരഞ്ഞെടുപ്പിന് മുമ്പ് വലിയ തോതിലുള്ള വർഗ്ഗീയ ധ്രുവീകരണമാണ്. തൃശൂർ ഇങ്ങെടുക്കാനും കണ്ണൂർ സ്വന്തമാക്കാനും ഹിന്ദു-മുസ്ലിം അകൽച്ച ഉണ്ടാക്കലല്ലാതെ രക്ഷയില്ലെന്ന് “അവർ”മനസ്സിലാക്കിക്കഴിഞ്ഞു. ആദ്യശ്രമം കോഴിക്കോട്ടെ എലത്തൂരിൽ പരാജയപ്പെട്ടപ്പോൾ നടത്തിയ രണ്ടാം ശ്രമമാണോ കണ്ണൂരിലേത്? ഇടതുപക്ഷത്തെ തകർക്കാൻ എന്തും ചെയ്യും സംഘ് പരിവാരങ്ങൾ. കേരളത്തിൽ ഒരു  ഗോധ്രയുണ്ടാക്കി ജനങ്ങളെ ഭിന്നിപ്പിച്ച് രാഷ്ട്രീയ ലാഭം കൊയ്യാനുള്ള നീക്കം കരുതിയിരിക്കുക.

വർഷങ്ങൾക്ക് മുമ്പ് താനൂരിൽ ശ്രീകൃഷ്ണ ജയന്തിയോടനുബന്ധിച്ച ശോഭയാത്രക്കു നേരെ പ്രയോഗിക്കാനിരുന്ന സ്ഫോടക വസ്തുക്കൾ പോലീസ് പിടികൂടിയിരുന്നു. അന്നത്തെ മലപ്പുറം എസ്.പി പറഞ്ഞ വാക്കുകൾ പ്രസക്തമാണ്. “മലപ്പുറത്തെ ദൈവം രക്ഷിച്ചു”?! ഷഹീൻബാഗിൽ കെട്ടിത്തിരിയാതെ മാധ്യമങ്ങൾ ഗോധ്ര തീവണ്ടി ദുരന്തത്തിൻ്റെ അന്വേഷണ റിപ്പോർട്ടുകളും ഈ സമയത്ത് പുറത്ത് വിടുകയല്ലേ ചെയ്യേണ്ടത്?

രാജസ്ഥാനിലെ ജയ്പൂരി ഒരു നിയമസഭാ തെരഞ്ഞെടുപ്പിന് മുമ്പ് നടന്ന സ്‌ഫോടനത്തിൽ 71 പേരാണ് കൊല്ലപ്പെട്ടത്. നൂറിലധികം പേർക്ക് പരിക്കേൽക്കുകയും ചെയ്തു. ആ കേസിൽ അറസ്റ്റ് ചെയ്യപ്പെട്ട മുസ്ലിം ചെറുപ്പക്കാർക്ക് കീഴ്ക്കോടതി നൽകിയ വധശിക്ഷ രാജസ്ഥാൻ ഹൈക്കോടതി റദ്ദാക്കി. പ്രതികളെന്ന് പോലീസ് പറഞ്ഞവരെ വെറുതെവിട്ടു. ഹൈക്കോടതി വിധിന്യായത്തിൽ യഥാർത്ഥ പ്രതികളെ രക്ഷപ്പെടാൻ കളമൊരുക്കിയ പോലീസിനെ രൂക്ഷമായി വിമർശിച്ചു. ബന്ധപ്പെട്ട പോലീസ് മേധാവികൾക്കെതിരെ അന്വേഷണം നടത്തണമെന്ന് രാജസ്ഥാൻ ചീഫ് സെക്രട്ടറിക്ക് ശക്തമായ നിർദ്ദേശവും നൽകി.

കണ്ണൂർ ട്രൈൻ കത്തിക്കലിൻ്റെ പശ്ചാതലത്തിൽ ഇതൊക്കെ “മാധ്യമ ഠാക്കൂർ സേന”യുടെ മനസ്സിൽ ഉണ്ടാകുന്നത് നന്നാകും. സംശയം ജനിപ്പിക്കുന്ന വാർത്തകൾ നൽകി കേരളത്തെ ഗുജറാത്തോ യു.പിയോ ആക്കരുത്.

Google search engine
Previous article‘ഗുസ്തിക്കാരുടെ സമരം’: അന്വേഷണം കഴിയുന്നവരെ കാത്തിരിക്കണമെന്ന് ആവശ്യപ്പെട്ട് കേന്ദ്രം
Next article‘ട്രെയിൻ ദുരന്തത്തിൽ പഴുതടച്ച അന്വേഷണം നടത്തും’: ആശുപത്രിയിൽ കഴിയുന്നവരെ സന്ദർശിച്ച് പ്രധാനമന്ത്രി